- वि.सं २o८o फाल्गुण २१ सोमबार
दीपेन्द्र गौचनको लेखन तथा निर्देशनमा चलचित्र ‘केटी हराएको सूचना’ बन्ने भएको छ। चलचित्रको मुख्य भूमिकामा अभिनेता नाजिर हुसेन र अभिनेत्री श्रृष्टि श्रेष्ठ अनुबन्धित भएका छन्।
निर्माण टिमले सोमबार स्क्रिप्ट पूजा गर्दै चलचित्र निर्माणको घोषणा गरेको हो। ट्राइसिटी पिक्चर्स प्रोडक्सन कम्पनीबाट निर्माण हुने चलचित्रलाई अम्बर महर्जनले खिच्नेछन्। चलचित्रमा नकिम उद्दिमको लगानी रहनेछ।
चलचित्रको छायांकन बिहीबारदेखि काठमाडौं र जनकपुरमा गरिने निर्माण पक्षले जनकारी दिएको छ। गौचनले यसअघि चर्चित टेलिसिरियल ‘उजेली’ निर्देशन गरेका थिए।
