प्रो क्लब च्याम्पियनसिप टी–२० क्रिकेट प्रतियोगिताको आजको दोस्रो खेलमा वन्डर क्लब नोयडाले नेपाल पुलिस क्लबलाई ८६ रनको लक्ष्य दिएको छ।
नारायणी रंगशालामा भएको खेलमा नोयडाले २० ओभरमा ६ विकेटको क्षतिमा ८५ रन बनाएको हो। खेलमा नोयडाका हर्षित सेठीले ४९ बलमा ३५ रन बनाए। यस्तै, तरुण विष्टले १६ बलमा १५ रन र उजैर मल्लिकले १५ बलमा १३ रन जोडे।
पुलिसका बलर ललित राजवंशीले चार ओभरमा १० रन दिएर दुई विकेट पाए भने रसिद खानले चार ओभरमा २१ दिएर दुई विकेट पाए।
यस्तै, शेर मल्ल र सागर ढकालले एक–एक विकेट पाए। शेरले चार ओभरमा १७ रन र सागरले चार ओभरमा १५ रन दिए।
प्रतियोगितामा नेपालका तीन विभागीय टोली आर्मी, पुलिस र एपिएफसहित पर्सा ११ तथा भारतको युपी ११ र वन्डर्स क्लब नोयडाले प्रतिस्पर्धा गर्दै छन्।