तुलसीपुरमा युवकमाथि खुकुरी प्रहार

Read Time : < 1 मिनेट

दीपक बोहरा, दाङ

नयाँ पत्रिका

२o८१ बैशाख २० बिहीबार १२:o८:oo

दाङको तुलसीपुरमा युवकमाथि खुकुरी प्रहार भएको छ । बिहीबार राति १२ बजेतिर तुलसीपुर उपमहानगरपालिका– ५ बसपार्कस्थित दुई युवाबीच सामान्य विवादपछि खुकुरी प्रहार भएको हो । इलाका प्रहरी कार्यालय तुलसीपुरका प्रवक्ता नवराज केसीका अनुसार खुकुरी प्रहारबाट तुलसीपुर– १३ बखरिया निवासी ३४ वर्षीय रणदेव बस्नेत घाइते भएका छन् ।

हातमा गहिरो चोट लागेका बस्नेतको राप्ती प्रादेशिक अस्पताल तुलसीपुरमा सामान्य उपचारपछि थप उपचारका लागि नेपालगन्ज मेडिकल कलेज कोहलपुर रेफर गरिएको छ ।

खुकुरी प्रहार गर्नेमा तुलसीपुर– १० राइखल्यान निवासी २८ वर्षीय राममणि चौधरीलाई प्रहरीले नियन्त्रणमा लिएर अनुसन्धान थालेको हो । पूर्वरिसइवी कारण खुकुरी प्रहार भएको हुन सक्ने अनुमान गरिएको छ ।

#खुकुरी प्रहार