- वि.सं २o८o श्रावण २४ बुधबार
सोह्रौँ वार्षिक समारोहको अवसरमा प्रोगेसिभ एजुकेसनल फोरम चाबहिलले उक्त फोरमभित्र आवद्ध संस्थागत विद्यालयको संयुक्त आयोजनामा गायन तथा नृत्य प्रतियोगीता आयोजना गर्ने भएको छ । आउने शुक्रबार फोरमले एसईई सम्मानका साथै गायन तथा नृत्य प्रतियोगीता गर्ने भएको हो ।
उक्त छाता संगठनभित्र आवद्ध विद्यालयमा शैक्षिक र अतिरिक्त कार्यक्रमलाई उकास्न फोरमले विद्यालयबिच वर्षभरि हस्तलेखन,कविता,वक्तृत्वकला,चित्रकला,वादविवाद, नेपाली र अंग्रेजी हिज्जे ,कथावाचन,बास्केटवल,फुटवलजस्ता विविध किसिमका प्रतियोगितात्मक अतिरिक्त कार्यक्रम गर्दै आएको छ ।
उक्त कार्यक्रममा वरिष्ठ गायक,तथा संगीतकार दीप श्रेष्ठलाई अभिनन्दन गरिँदै छ भने उक्त फोरमभित्रका विद्यालयमा लामो समयदेखि अध्यापन गर्ने र कार्यरत कर्मचारीहरूलाई दीर्घकालीन सेवा सम्मान,अनि एसईई सम्मान, गायन र नृत्य प्रतियोगिता सफल र विजयी विद्यालय र विद्यार्थीहरूलाई पुरस्कार पनि वितरण गरिने फोरमले जनाएको छ ।
