- वि.सं २o८o श्रावण २३ मंगलबार
काठमाडौं उपत्यकामा भीषण वर्षा भइरहेको छ । जल तथा मौसम विज्ञान विभाग मौसम पूर्वानुमान महाशाखाका अनुसार गएरातिदेखि काठमाडौंमा निरन्तर वर्षा जारी छ ।
भारी वर्षाका कारण नदी र खोलामा बाढी आएको छ । बाढी पूर्वानुमान महाशाखाले सूचना जारी गर्दै बाढीले जलसतह बढ्दो क्रममा रहेकाले बिहान ११ बजेसम्म उच्च सतर्कता अपनाउन अनुरोध गरेको छ ।
महाशाखाका अनुसार बिहान ६ बजे काठमाडौं उपत्यकाको बुढानीलकण्ठ, सुन्दरीजल, नगरकोट र आसपास क्षेत्रमा भारी वर्षा भएको छ । जसका कारण विष्णुमती, धोबीखोला, मनोहरालगायत नदीखाेलामा जलसतह बढ्दो क्रममा रहको छ ।
नदीतटीय क्षेत्रमा रहने र नदीकिनारको सडकबाट यात्रा गर्नेहरूले उच्च सतर्कता अपनाउन अनुरोध गरिएको छ । भीषण वर्षाकाे कारण अहिले काठमाडौं जलमग्न भएकाे छ ।
जलमग्न काठमाडौंका केही तस्बिर :
