- वि.सं २o८o श्रावण ४ बिहीबार
बागमती प्रदेश सञ्चार रजिस्ट्रार कार्यालयद्वारा प्रकाशित साइबर सुरक्षा नामक पुस्तक बुधबार विमोचन गरिएको छ । बागमती प्रदेश सरकारका प्रवक्ता गंगाराम श्रेष्ठले पुस्तक विमोचन गरेका हुन् ।
कार्यक्रममा बोल्दै उनले बागमती प्रदेशमा सूचना प्रविधि र साइबर सुरक्षासँग सम्बन्धित विषयमा कानुन निर्माण गरी कार्यान्वयन गरिने बताए । सञ्चार रजिस्ट्रार रेवती सापकोटाले कम्प्युटर, मोबाइल फोन, इन्टरनेट र सामाजिक सञ्जालको दैनिक प्रयोग गर्ने सवालमा आउने चुनौती र सुरक्षा उपायहरूका विषयमा जानकारी गराउने उद्देश्यले साइबर सुरक्षा पुस्तक प्रकाशित गरिएको बताए ।
पुस्तकमा साइबर कानुनको इतिहास, अन्तर्राष्ट्रिय साइबर कानुन, साइबर स्पेस र गोपनीयता, डिजिटल प्रोपर्टी, सामाजिक सञ्जालसम्बन्धी कानुन, आचारसंहिता, नैतिक मूल्य–मान्यतालगायत विषय समावेश छन् । प्रवेश सुवेदीले सम्पादन गरेको पुस्तकलाई बाबुराम अर्याल, गंगालाल चपाई र रविराज बरालले सह–लेखन गरेका हुन् ।
