- वि.सं २o८१ बैशाख १९ बुधबार
लिट्टल एन्जल्स स्कुलले आयोजना गरेको अभिनयात्मक कविता वाचन प्रतियोगितामा मोक्षदा स्कुलका निरञ्जन उप्रेती प्रथम भएका छन् ।
प्रतियोगिता आदिकवि भानुभक्त आचार्यको २१०औँ जन्मजयन्तीको अवसरमा आयोजना भएको थियो ।
प्रतियोगितामा मोक्षदाका उप्रेतीले कवि राजु स्याङ्तानद्वारा रचिएको ‘दाइ हराएको सूचना’ शीर्षकको कवितामा अभिनयात्मक कला प्रदर्शन गरेका थिए ।
ब्राइट फ्युचर स्कुलका सुशान्त कोइरालाले द्वितीय स्थान प्राप्त गरेको प्रतियोगितामा आदर्श विद्या मन्दिरका सक्षम श्रेष्ठले तृतीय स्थान प्राप्त गरे ।
त्यसैगरी त्रियोग स्कुलकी सोनिया निरौला र भेलोसिटी स्कुलकी सहन कार्कीले सान्त्वना पुरस्कार प्राप्त गरे ।
विजयी प्रतियोगीहरूलाई निर्णायक अशेष मल्ल, विष्णुविभु घिमिरे र राजेन्द्र शलभ तथा विद्यालयका प्रधानाध्यापक मुकन्दराज शर्माले नगद पुरस्कार तथा प्रमाणपत्र प्रदान गरे ।
