- वि.सं २o८o बैशाख २९ शुक्रबार
तनहुँमा एकजनाको भिरबाट लडेर मृत्यु भएको छ। गत वैशाख १७ गतेदेखि हराइरहेका तनहुँको व्यास नगरपालिका– ९ गजौडेका वर्ष ५९ का सुरेशकुमार गुरुङ मृत अवस्थामा फेला परेका छन्।
गुरुङको स्थानीय सुदेखोला सातबिसे सामुदायिक वनको भिरबाट एक सय ११ मिटर तल खस्दा मृत्यु भएको जिल्ला प्रहरी कार्यालय तनहुँका प्रहरी निरीक्षक राजकुमार विकले जानकारी दिए। गुरुङ बिहीबार दिउँसो मृत अवस्थामा फेला परेका छन्।
१२ दिनअघि सोही सामुदायिक वनमा घाँस काट्न भन्दै गएका उनी घर नआएपछि गण्डकी प्रदेश प्रहरी कार्यालयबाट खटिएको कुकुरसहितको प्राविधिक टोलीले खोजतलास गर्दा पनि फेला पार्न सकेको थिएन।
घटना सम्बन्धमा थप अनुसन्धान भइरहेको जिल्ला प्रहरी कार्यालय तनहुँले जनाएको छ। रासस
