- वि.सं २o८१ बैशाख २० बिहीबार
भुटानी शरणार्थीको आवरणमा भएको ठगी प्रकरणमा पक्राउ परेका कांग्रेस नेता एवं पूर्वगृहमन्त्री बालकृष्ण खाणलाई काठमाडौं जिल्ला सरकारी वकिलको कार्यालयमा पुर्याइएको छ ।
काठमाडौं प्रहरी परिसर टेकुमा प्रारम्भिक बयानपछि उनलाई जिल्ला सरकारी वकिलको कार्यालयमा पुर्याइएको हो । त्यसपछि उनलाई म्याद थपका लागि जिल्ला अदालत काठमाडौं लगिनेछ ।
खाण मैजुबहालस्थित निवासबाट आज बिहान पक्राउ परेका हुन् ।
प्रहरी हिरासतमा रहेका नेपाल सरकारका सचिव टेकनारायण पाण्डेलगायतका आरोपीले बयानका क्रममा पूर्वमन्त्री खाणको समेत नाम लिएपछि प्रहरीले उनलाई पक्राउ गरेको हो ।
खाणले आफू गृहमन्त्री भएपछि पाण्डेलाई गृहसचिव बनाएका थिए । यस प्रकरणमा पाण्डेसहित १० जनालाई प्रहरीले प्रमाणसहित पक्राउ गरिसकेको छ ।
