Read Time : < 1 मिनेट
२o८१ बैशाख २१ शुक्रबार ११:५६:oo
बारा क्षेत्र नम्बर २ को मतगणना स्थगित भएको छ । मतपेटिका राखिएको कोठाको चाबी बोकेर दलका प्रतिनिधि हिँडेपछि मतगणना हुन सकेको छैन ।
एमालेका प्रतिनिधि मोहन लामिछाने मतपेटिका राखेको कोठाको चाबी लिएर मतगणनास्थलबाट बाहिरिएपछि करिब आधा घन्टा र त्यसपश्चात् जनमत पार्टीका सियाराम कुसवाह हालसम्म गणनास्थल नआएका कारण मतगणना रोकिन पुगेको छ ।
हाल दुई स्थानमा मतगणना भइरहेको हुँदा भोलिसम्ममा अन्तिम नतिजा आउने निर्वाचन अधिकृत सरोजकुमार चौधरीले जानकारी दिए ।
हालसम्म करैया गाउँपालिकाका, सुवर्ण गाउँपालिका, कोल्हवी ८ नम्बर वडा र महागढीमाई नगरपालिका ९, १० र ११ वडाको मतगणना सम्पन्न भइसकेको छ ।
