- वि.सं २o८१ बैशाख ३१ सोमबार
लुम्बिनी विकास बैंक लिमिटेडले सुमन आचार्यलाई नायब प्रमुख कायकारी अधिकृतमा नियुक्त गरेको छ । बैंकले वैशाख ३ गतेदेखि लागू हुने गरी नियुक्त गरिएको हो ।
नवनियुक्त नायब प्रमुख कार्यकारी अधिकृत आचार्यले त्रिभुवन विश्वविद्यालयबाट एमबिएसम्मको उच्च शिक्षा हासिल गरी विभिन्न समयमा विभिन्न वाणिज्य बैंकहरूका उच्च व्यवस्थापनमा संलग्न रही नेतृत्वदायी भूमिका निर्वाह गर्दै २२ वर्षभन्दा बढीको कार्य अनुभव हासिल गरेको जनाइएको छ ।
उनले सन् १९९९ मा त्रिभुवन विश्वविद्यालयबाट एमबिएमा केन्द्रीय विभाग (व्यवस्थापन), कीर्तिपुरको शीर्ष स्थान तथा विश्वविद्यालयस्तरमा दोस्रो स्थानमा उत्तीर्ण भई उत्कृष्ट थेसिस लेखनबापत कृष्णचन्द्र रेग्मी अवार्डबाट समेत सम्मानित भएको बैंकले उल्लेख गरेको छ ।
आचार्यले आफ्नो बैंकिङ करिअर सन् २००० मा साबिक नेपाल क्रेडिट एन्ड कमर्स बैंक लिमिटेडबाट व्यवस्थापन प्रशिक्षार्थीका रूपमा सुरु गरेका थिए ।
