- वि.सं २o८१ बैशाख २१ शुक्रबार
चन्द्रागिरि हिल्स लिमिटेडले नयाँ वर्ष ०८० को अवसरमा आफ्ना सेयरधनीलाई केबलकारको टिकट, साहसिक गतिविधि तथा सामाजिक समारोहमा लाग्ने शुल्कमा २५ प्रतिशतसम्मको छुट प्रदान गर्ने योजना सार्वजनिक गरेको छ ।
योजनाअन्तर्गत चन्द्रागिरि हिल्स लिमिटेडका सेयरधनीले जिपलाइन, स्काई साइक्लिङ, स्विङ, वाल क्लाइम्बिङ, फ्री फल जम्प, स्काई वाक तथा रिसोर्टमा आयोजना हुने सामाजिक समारोहरूको शुल्कमा २५ प्रतिशतसम्म छुट पाउनेछन् ।
छुट सुविधा लिन सेयरधनीहरूले आफ्नो सेयर प्रमाणपत्र वा डिम्याट खाताको विवरण टिकट काउन्टरमा प्रस्तुत गर्नुपर्नेछ । यो योजना एक वर्षका लागि लागू हुने बताइएको छ । यसका साथै प्रत्येक भ्रमणमा सेयरधनीहरूलाई सन्ध्याकालीन केबलकारको टिकटसमेत प्रदान गरिने कम्पनीले जनाएको छ ।
