- वि.सं २o७९ चैत १२ आइतबार
जनमत पार्टीले मधेसका ६ जिल्लामा आफ्नो पार्टीको इन्चार्ज तोकेको छ। जिल्लामा पार्टीको कामकारबाही अगाडि बढाउन र संगठन विस्तार गर्ने गरी जिल्ला समिति गठन गर्न इन्चार्जको जिम्मेवारी तोकिएको सो पार्टीले जनाएको छ।
पर्सा, रौतहट, सर्लाही, महोत्तरी, धनुषा र सिराहाको इन्चार्ज तोकिएको अध्यक्ष सिके (चन्द्रकान्त) राउतले जानकारी दिए।
उनका अनुसार पर्सामा माधवप्रसाद सिंह इन्चार्ज, ओमप्रकाश सर्राफ संयोजक र मुकेश द्विवेदी सहसंयोजक तोकिएका छन्।
यसैगरी रौतहटमा वृजकिशोर यादव, सर्लाहीमा श्रीचन राय यादव, महोत्तरीमा सौरभ साह, धनुषामा सुरेन्द्र मण्डल र सिराहामा विनोद यादवलाई इन्चार्जको जिम्मेवारी दिइएको छ।
