- वि.सं २o८१ बैशाख २३ आइतबार
कृषि तथा वन विश्वविद्यालय रामपुरको कृषि संकायका डिन जयप्रकाश दत्त निलम्बनमा परेका छन्।
जुम बैठक चलिरहेकै समयमा अश्लील हर्कत गरेको भिडियो सार्वजनिक भएपछि उनलाई निलम्बन गरिएको हो। बुधबार सामाजिक सञ्जालमा दत्तको अश्लील भिडियो भाइरल भएको थियो।
भाइरल बनेको विषयवस्तु संवेदनशील भएको हुँदा सत्यतथ्य छानबिनको सहजीकरणका लागि कृषि तथा वन विज्ञान विश्वविद्यालय संगठन र शैक्षिक प्रशासन नियमावली, २०६९ को परिच्छेद ३८ नियम १७४ (५) अनुसार छानबिन समितिको प्रतिवेदन प्राप्त भई निर्णय नहुञ्जेलसम्म उनलाई कृषि संकायको डिन पदबाट निलम्बन गरिएको हो।
कृषि तथा वन विश्वविद्यालयका उपकुलपति पुन्यप्रसाद रेग्मीका अनुसार यस विषयमा छानबिन गर्न समिति पनि गठन गरिएको छ।
