हिमालयन बैंक लिमिटेडले आफ्ना सेयरधनीलाई यो वर्ष १९.११% लाभांश वितरण गर्ने भएको छ। पुस ५ गते बसेको बैंकको सञ्चालक समितिको ४२७औँ बैठकले आर्थिक वर्ष ०७८/७९ को मुनाफाबाट आफ्ना सेयरधनीलाई १९.११ प्रतिशत लाभांश प्रदान गर्ने निर्णय गरेको हो।

बैंकले चुक्ता पुँजीको ८ प्रतिशत बोनस सेयर र करसहित ११.११ प्रतिशत नगद लाभांश दिने जनाएकाे छ। नेपाल राष्ट्र बैंक र बैंकको आगामी वार्षिक साधारणसभाले स्वीकृत गरेपश्चात् उक्त लाभांश वितरण गर्न मिल्नेछ।