- वि.सं २o७९ मङ्सिर २१ बुधबार
सरकारका प्रवक्ता ज्ञानेन्द्रबहादुर कार्कीले निलम्बित प्रधानन्यायाधीश चोलेन्द्रशमशेर जबरामाथिको महाभियोग निष्प्रभावी नहुने बताएका छन् ।
मन्त्रिपरिषद्का निर्णय सार्वजनिक गर्न आयोजित पत्रकार सम्मेलनमा मन्त्री कार्कीले प्रधानन्यायाधीशमाथि लगाइएको महाभियोग संसद्को सम्पत्ति भएको बताए । नयाँ संसद्ले यसबारे टुंगो लगाउने उनको भनाइ छ ।
‘महाभियोगको विषय जीवितै छ । महाभियोग संसद्को सम्पत्ति हो । अब बस्ने नयाँ संसदमा यसबारे छलफल हुन्छ । त्यसैले यसलाई टुंगोमा पुर्याउँछ,’ उनले भने ।
आजै संघीय संसद्का महासचिव डा. भरतराज गौतमले महाभियोग निष्क्रिय भएको भन्दै जबरालाई सर्वोच्च फर्कने बाटो दिएका थिए ।
