- वि.सं Invalid date format
एकदिवसीय क्रिकेट प्रतिस्पर्धामा नयाँ कीर्तिमान बनेको छ । दक्षिण अफ्रिका र इंग्ल्यान्डबिच भएको तेस्रो एकदिवसीय खेलमा सबैभन्दा धेरै रनले हारजित हुने कीर्तिमान बनेको हो ।
सो खेलमा इंग्ल्यान्डले दक्षिण अफ्रिकालाई ३४२ रनले पराजित गर्यो । एकदिवसीय क्रिकेटमा यो सबैभन्दा ठुलो अन्तरको जित हो । यसअघि यस्तो कीर्तिमान भारतको नाममा थियो । उसले सन् २०२३ मा श्रीलंकालाई ३१७ रनले पराजित गरेको थियो ।
आइतबार साउथम्पटनमा भएको खेलमा पहिले ब्याटिङ गरेर इंग्ल्यान्डले पाँच विकेट गुमाएर ४१४ रन बनाएको थियो । जवाफी ब्याटिङमा उत्रिएको दक्षिण अफ्रिका ७२ रनमा अलआउट भयो । यो कीर्तिमानी जितका लागि इंग्ल्यान्डका तीव्र गतिका बलर जोफ्रा आर्चरले महत्त्वपूर्ण चार विकेट लिए ।
अन्तिम खेलमा दक्षिण अफ्रिकाले लज्जास्पद पराजय व्यहोरे पनि सिरिज भने उसले २–१ ले जितेको छ।
