- वि.सं २o८२ भदौ १३ शुक्रबार
नेकपा माओवादी केन्द्रका सांसद माधव सापकोटाले अरनिको राजमार्ग २९ दिनदेखि अवरुद्ध हुँदा पनि सरकार गम्भीर हुन नसकेको आरोप लगाएका छन् । शुक्रबार प्रतिनिधिसभनको बैठकमा बोल्दै सांसद सापकोटाले एउटा पहिरोको कारण चाडबाडको मुखमा रहेका नागरिकले महँगीको मार खेप्नुपर्ने स्थिति देखापरेको बताए ।
यही स्थिति रहे चाडबाडमा बजारको भाउ अपत्यारिलो तरिकाले बढ्ने उनको भनाइ छ । यति हुँदा पनि सरकार निममित कामजस्तो एउटा सामान्य मेसिन लगाएर इको पहिरोमा खेलिरहेको आरोप लगाए ।
यतिवेला उत्तरतर्फको दुवै नाका बन्द भएको र नाका बन्द हुँदा वार्षिक २४ अर्बको राजस्व संकलन गर्ने लक्ष्यमा बाधा उत्पन्न भएको बताए । उनले विशिष्ट परिस्थितिमा विशिष्ट ढंगले साधन स्रोतहरूको प्रयोग गरी तत्काल इको पहिरो व्यवस्थापन गर्न सरकारको ध्यानाकर्षण गराए ।
