- वि.सं Invalid date format
सांसद डा. अमरेशकुमार सिंहले सत्तासाझेदार दुवै शीर्ष नेता गभर्नरमा आफ्नो दलको कार्यकर्ता नियुक्त गरेर वित्तीय क्षेत्र कब्जा गर्न चाहेका आरोप लगाएका छन्।
शुक्रबार प्रतिनिधिसभा बैठकमा सांसद सिंहले एमाले–कांग्रेसको झगडाले गभर्नर नियुक्ति नभएको भन्दै यसले समग्र अर्थतन्त्रलाई असर गरेको बताए।
‘दुई दलको भागबन्डाको झगडाले अहिलेसम्म (गभर्नर नियुक्ति) भएन। त्यसको आर्थिक इम्प्याक्ट कति पर्छ बैंकहरू र पूरा फाइनान्सियल सिस्टममा सरकारलाई मतलब छैन । मतलब यति मात्र छ कि म आफ्नो कार्यकर्ता राखौँ र फाइनान्सियल सेक्टर कब्जा गरौँ,’ उनले भने।
यो कार्यकर्ताहरूको मात्र नभई नेपाली जनताको पनि देश हो भन्दै उनले यसमा सत्तासाझेदार दुवै शीर्ष नेता दोषी रहेको प्रस्ट्याए। उनले भने, ‘मलाई लाग्छ दुवैजना सहमत छन् कि देशलाई ध्वस्त पारौँ, हामी दुईजना राजाजस्तै अगाडि गाडी लिएर घुमौँ।’
