- वि.सं २o८१ पौष २५ बिहीबार
कैलालीको धनगढीबाट प्रहरीले लागुऔषध खैरो हेरोइनसहित पाँच युवालाई पक्राउ गरेको छ । उनीहरूको साथबाट २.९० ग्राम खैरो हेरोइन बरामद गरिएको जिल्ला प्रहरी कार्यालयले जानकारी दिएको छ ।
कञ्चनपुरको भीमदत्त नगरपालिका– १, घर भएका २६ वर्षीय तपेन्द्र पाली, २५ वर्षीय महेश वड र २७ वर्षीय नवल बोहरालाई लागुऔषधसहित पक्राउ गरिएको जिल्ला प्रहरी कार्यालयका प्रवक्ता प्रहरी नायब उपरीक्षक कविन्द्रसिंह बोहराले बताए ।
त्यस्तै, धनगढी उपमहानगरपालिका–९, बंग्राकटान बस्ने २६ वर्षीय डम्बर ठगुन्ना र धनगढी– १, शिवनगर बस्ने १९ वर्षीय सुरज थापालाई खैरो हेरोइनसहित पक्राउ गरिएको प्रहरीले जनाएको छ । पक्राउ परेकाहरूविरुद्ध लागुऔषध मुद्दामा कारबाही प्रक्रिया अगाडि बढाइएको प्रहरी नायब उपरीक्षक बोहराले बताए ।
