खाद्य व्यवस्था तथा व्यापार कम्पनी लिमिटेडले खसीबोका र च्याङ्ग्राको बिक्री–वितरण सुरु गरेको छ। थापाथलीस्थित कम्पनीको परिसरबाट आइतबार बिहानदेखि खसीबोका र च्याङ्ग्राको बिक्री–वितरण सुरु गरिएको हाे। काठमाडौं उपत्यकामा खसीबोका र च्याङ्ग्रा देशका विभिन्न भागबाट ल्याइएको छ । यसैगरी मनाङ र मुस्ताङबाट समेत भेडाच्याङ्ग्रा ल्याइएको छ ।
खाद्य व्यवस्था तथा व्यापार कम्पनी लिमिटेडले खसीबोका र च्याङ्ग्राको मूल्यसमेत निर्धारण गरेको छ । कम्पनीले खसीबोका र च्याङ्ग्राको मूल्यमा प्रतिकेजी १० रुपैयाँ छुट दिएको छ । जसअनुसार खसी जिउँदोको मूल्य प्रतिकेजी ६६०, बोका जिउँदोको मूल्य प्रतिकेजी ६६० र च्याङ्ग्रा जिउँदोको मूल्य प्रतिकेजी १२२० निर्धारण गरिएको छ ।
यसैबिच, पशु सेवा विभागले उपभोक्ताको स्वास्थ्यलाई दृष्टिगत गर्दै खसीबोका बिक्री भइरहेका स्थानमा पशुचिकित्सकको टोली खटाएर अनुगमन एवं परीक्षण गरिरहेको छ ।
तस्बिर : अमुल थापा/नयाँ पत्रिका