![](https://nayapatrika.blr1.cdn.digitaloceanspaces.com/news/images/air-accident42024-07-24-12-05-04.jpeg)
सौर्य एयरलाइन्सको जहाज त्रिभुवन अन्तर्राष्ट्रिय विमानस्थलमा दुर्घटनामा परेको छ । विमानस्थलको पूर्वी क्षेत्रमा दुर्घटनग्रस्त भएको जहाजको अधिकांश भाग जलेको छ। अहिले रेस्क्युको काम जारी रहेको बताइएको छ ।
जहाजमा चालक दलका सदस्य, इन्जिनियर लगायत १९ जना रहेको नेपाल नागरिक उड्डयन प्राधिकरण (क्यान)का सूचना अधिकारी ज्ञानेन्द्र भुलले बताए ।
९एन–एएमई कलसाइनको सिआरजे २०० जहाज सी–चेक (मर्मत) का लागि पोखरा लैजाने क्रममा त्रिभुवन अन्तर्राष्ट्रिय विमानस्थलमा दुर्घटनामा परेको सौर्य एयरलाइन्सका अध्यक्ष दीपक पोखरेलले बताए ।
‘हामीले नियामक निकाय क्यानसँग अनुमति लिएर जहाज मर्मतका लागि पोखरा लैजान लागेका थियौँ, तर जहाज उड्नेबित्तिकै तल खसेछ,’ उनले भने, ‘जहाजमा चालक दलका सदस्य र इन्जिनियर मात्र छन्, यात्रु छैनन् ।’