निर्वाचनमुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियापन्ध्रौं वार्षिकोत्सव विशेषांकखेलकुदविश्वकोरोना अपडेटप्रवासकर्नर किकसम्पादकीय१३औँ वार्षिकोत्सव विशेषांकसाहित्यस्वास्थ्य र जीवनशैलीफिचरलाेकसेवा१४औँ वार्षिकोत्सव विशेषांकप्रेरक प्रसंगटर्निङ प्वाइन्ट्स-२०२२१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglish
  • वि.सं २०७९ असोज १६ आइतबार
  • Sunday, 02 October, 2022
नयाँ पत्रिका काठमाडौं
२०७९ श्रावण ४ बुधबार ०९:५२:००
Read Time : < 1 मिनेट
मुख्य समाचार प्रिन्ट संस्करण

तालमेल र एकताका लागि वामदेवले दर्ता गराए दल

Read Time : < 1 मिनेट
नयाँ पत्रिका, काठमाडौं
२०७९ श्रावण ४ बुधबार ०९:५२:००

वाम एकताका लागि जोड दिँदै आएका तत्कालीन नेपाल कम्युनिस्ट पार्टी (नेकपा)का उपाध्यक्ष एवं राष्ट्रिय सभा सदस्य वामदेव गौतमले पार्टी दर्ता प्रक्रिया थालेका छन् । गौतमको संयोजकत्वमा ७५ सदस्यीय ‘नेपाल कम्युनिस्ट पार्टी एकता राष्ट्रिय अभियान’ले पार्टी दर्ताका लागि मंगलबार निर्वाचन आयोगमा निवेदन दिएको छ ।

सचिव डिबी कार्कीका अनुसार दल दर्ताको नम्बर ६४ छ । तदर्थ समितिको संयोजकमा गौतम र सचिवमा कार्की छन् । अन्य सबै सदस्य छन् । संयोजक, सचिवसहित आठजनाको सचिवालय छ ।

आयोगले पार्टी दर्ताको प्रमाणपत्र दिएपछि तदर्थ समितिको बैठक बसेर विधानअनुसार पदाधिकारी चयन गर्ने तयारी छ । विधानमा एक अध्यक्ष, सात उपाध्यक्ष, एक महासचिव र एक कोषाध्यक्ष हुने व्यवस्था गरिएको छ । तदर्थ समितिले सचिवको संख्या टुंग्याउने कार्कीले जानकारी दिए । 

विभाजित कम्युनिस्ट पार्टीहरूलाई एक बनाउन पार्टी निर्माण गरिएको कार्कीले जानकारी दिए । उनका अनुसार एकता हुन नसके कार्यगत एकता गरेर अघि बढाउने नीति अभियानले लिएको छ । उक्त पार्टीले पूर्ण समानुपातिक निर्वाचन, प्रत्यक्ष निर्वाचित कार्यकारी राष्ट्रपति, संसद्प्रति उत्तरदायी प्रधानमन्त्री र विशेषज्ञबाट मन्त्री बनाउने नीति लिएको छ ।