- वि.सं २o७८ कार्तिक ११ बिहीबार
सर्वोच्च अदालतको फुलकोर्ट (पूर्ण) बैठकले सर्वोच्चका पूर्वन्यायाधीश भैरवप्रसाद लम्सालको निधनमा शोक प्रस्ताव पारित गरेको छ। बिहीबार बसेको प्रधानन्यायाधीशसहित सबै न्यायाधीशहरूको बैठकले पूर्वन्यायाधीश लम्सालको निधनमा शोक प्रस्ताव पारित गरेको हो।
बैठकमा यसबाहेकको अन्य एजेन्डा नरहेको सर्वोच्चका प्रवक्ता बाबुराम दाहालले नयाँ पत्रिकालाई जानकारी दिए । शोक प्रस्ताव पारित गरेपछि न्यायाधीशहरूले मुद्दा नहेर्ने प्रचलन रहेको छ। बैठकअघि समेत आज तोकिएका कुनै पनि इजलास बसेनन्। सर्वोच्चका अनुसार आज सुनुवाइ तोकिएका सबै मुद्दाको सुनुवाइ रोकिएको छ।
