- वि.सं २o७८ असोज १ शुक्रबार
ओखलढुंगामा करेन्ट लागेर एकजनाको मृत्यु भएको छ। सुनकोसी गाउँपालिका– ९ कटुञ्जेका ५८ वर्षीय लोकनाथ गिरीको टर्चलाइट चार्ज गर्ने क्रममा करेन्ट लागेर मृत्यु भएको जिल्ला प्रहरी कार्यालय ओखलढुंगाले जनाएको छ।
गाउँपालिकाको वडा नं. १० मा रहेको आफ्नो बेंसीघरमा टर्चलाइट चार्ज गर्ने क्रममा करेन्ट लागेर बिहीबार साँझ गिरीको मृत्यु भएको जिल्ला प्रहरी कार्यालयका प्रमुख गोविन्दराज काफ्ले जानकारी दिए। घटनाबारे थप अनुसन्धान भइरहेको छ।
गाउँमा वितरण भएको केन्द्रीय प्रसारण लाइनको विद्युत् सर्ट भएर ज्यान गुमाएका गिरीको शवलाई पोस्टमार्टमका लागि जिल्ला अस्पताल रुम्जाटार पठाइएको छ।
