काठमाडौं महानगरपालिकाले एसइईको नतिजा प्रकाशन नहुँदै कक्षा ११ मा भर्ना नलिन आग्रह गरेको छ । महानगरको शिक्षा विभागले आइतबार सबै स्कुल तथा कलेजलाई विद्यार्थी भर्ना तथा शुल्कबारे परिपत्र गर्दै अन्यथा कारबाही हुने चेतावनी दिएको छ ।
विभागले कक्षा ११ मा भर्ना हुँदाको समयमै ११ र १२ मा विद्यार्थीसँग लिइने कुल रकम तोक्नुपर्ने, किताब, पोसाक र अन्य शैक्षिक सामग्री विद्यालयले भनेकै स्थानमा खरिद गर्न बाध्य नपार्न पनि सचेत गराएको छ । मावि, कलेजहरूले तोकिएअनुसारको छात्रवृत्ति अनिवार्य दिनुपर्ने र छात्रवृत्ति पाउने विद्यार्थीको विवरण शैक्षिक सत्र सुरु भएको दुई महिनाभित्र विभागमा पठाउनसमेत भनिएको छ ।