मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवा१४औँ वार्षिकोत्सव विशेषांकप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०१९टर्निङ प्वाइन्ट्स-२०२०प्रदेशब्लगEnglishटर्निङ प्वाइन्ट्स-२०२१
  • वि.सं २०७८ जेठ ३० आइतबार
  • Sunday, 13 June, 2021
नयाँ पत्रिका काठमाडौं
२०७८ बैशाख ६ सोमबार ०६:०४:००
Read Time : > 1 मिनेट
अर्थ प्रिन्ट संस्करण

धागो उत्पादक संघ र युकेएडद्वारा रोजगारी सिर्जनाको पाठ्यक्रम लागू

Read Time : > 1 मिनेट
नयाँ पत्रिका, काठमाडौं
२०७८ बैशाख ६ सोमबार ०६:०४:००

नेपालका लागि बेलायती राजदूत निकोला पोलिट तथा नेपाल धागो उत्पादक संघका अध्यक्ष पवन गोल्यानले युकेएडको सहयोगमा सञ्चालित ‘सीप’ अन्तर्गत धागो उद्योगको नेतृत्वमा तयार भएका पाँच पदहरूको पाठ्यक्रमको सुरुवात गरिएको छ ।  

सीपले आयोजना गरेको एक कार्यक्रममा उपस्थित भई सीप र संघको साझेदारीले हासिल गरेको प्रभावका बारेमा छलफल भएको संघले जनाएको छ । छलफलमा धागो उद्योगको रूपान्तरण तथा दिगो रोजगारी सिर्जनाका लागि लिनुपर्ने बाटोका बारेमा पनि छलफल भएको जनाइएको छ ।

नोभेम्बर २०१९ देखि सुरु भएको संघ र सीपको बहुकारखाना साझेदारीले ४ हजार व्यक्तिहरूलाई रोजगारसँग सम्बन्धित गुणस्तरीय सीप विकास तथा रोजगारीको अवसर प्रदान गरेको संघले जनाएको छ । साथै, उक्त साझेदारीले त्रिवेणी स्पिनिङ मिल, जगदम्बा स्पिनिङ मिल, रिलायन्स स्पिनिङ मिल, ट्राइकोट इन्डस्ट्री तथा जय स्पिनिङ मिलका कारखानाको क्षमतामा सुधार ल्याएको जनाइएको छ ।  

नेपालका लागि बेलायती राजदूत पोलिटले उद्योगहरूमा रहेको श्रमशक्ति तथा उत्पादकत्वमा रहेका खाडलहरूलाई रणनीतिक रूपमा भर्न संयुक्त पहलहरू सफल भएकोमा गौरवान्वित भएको बताए । संघका अध्यक्ष गोल्यानले सीप विकासका पहलहरूलाई कारखानाको वृद्धि हासिल गर्न सक्ने गतिविधिहरूसँगको सम्मिश्रण धागो उद्योगलाई रूपान्तरण गर्ने संयुक्त प्रयासको एक अभिन्न अंग रहेको बताए । उक्त रूपान्तरण हासिल गर्नका लागि आधुनिकीकरण तथा विस्तार, सुधारिएको गुणस्तर तथा प्रतिस्पर्धी मूल्यमार्फत नयाँ भौगोलिक क्षेत्रहरूमा निर्यातलाई विविधीकरण, संस्थागत क्षमतामा सुधार गरिने उनको भनाइ थियो । 

सीप कार्यक्रमका टिम लिडर बलजित भोराले उद्योगका उदीयमान कामका लागि तयार भएको श्रम शक्तिको विकास गर्नका लागि प्रशिक्षार्थीमा आधारित सीप तथा रोजगार उपलब्ध गराउने उद्योगको पहलको प्रतिबिम्ब संघ र सीपबीचको साझेदारी भएको बताए । सीप विकास गर्न पहल गर्ने अन्य उद्योगहरूले पनि यस साझेदारीबाट सिक्न सक्ने उनको भनाइ थियो । 

विशेष गरी महिला, आप्रवासनबाट फर्किएका तथा अन्य आर्थिक, सामाजिक रूपमा बाहिर पारिएका समूहलाई लक्षित गरेको जनाइएको छ । हालसम्म १३ वटा उद्योगमा युकेएडको सीपले उत्प्रेरित गर्ने तथा सहलगानी गरेको जनाइएको छ । जसबाट सन् २०२१ सम्म ४० हजार युवालाई रोजगारी–स्वरोजगारी प्रदान गर्न सक्ने वातावरण बनाउने सम्भावना रहेको जनाइएको छ । 

कार्यक्रममा रामचन्द्र संघाई, विष्णु न्यौपाने, अभिक ज्योति, अक्षय गोल्यान तथा शक्ति गोल्यानलगायतका धागो उद्योगका प्रमुख उद्योगी सहभागी रहेको जनाइएको छ । सुधार गरिएको र मानकबमोजिम बनाइएको पाठ्यक्रम कारखानाहरूको सुझाब र प्रतिक्रियामा सहविकास तथा परिष्कृत गरिएको जनाइएको थियो ।