मुख्य समाचारफ्रन्ट पेजसमाचारदृष्टिकोणअर्थअन्तर्वार्तामल्टिमिडियाखेलकुदविश्वप्रवासकोरोना अपडेटकर्नर किकसम्पादकीयस्वास्थ्य र जीवनशैली१३औँ वार्षिकोत्सव विशेषांकफिचरलाेकसेवाप्रेरक प्रसंग१२औँ वार्षिकोत्सव विशेषांकसप्तरंगटर्निङ प्वाइन्ट्स-२०२०टर्निङ प्वाइन्ट्स-२०१९प्रदेशब्लगEnglishटर्निङ प्वाइन्ट्स-२०२१
  • वि.सं २०७८ बैशाख १ बुधबार
  • Wednesday, 14 April, 2021
नयाँ पत्रिका काठमाडाैं
२०७७ फाल्गुण १९ बुधबार १२:११:००
Read Time : > 2 मिनेट
विश्व प्रिन्ट संस्करण

चीनमा एक वर्षमा दुई सय ५९ अर्बपति थपिए

Read Time : > 2 मिनेट
नयाँ पत्रिका, काठमाडाैं
२०७७ फाल्गुण १९ बुधबार १२:११:००

गत वर्ष कोरोना भाइरसका कारण नाम चलेका धेरै कम्पनी आर्थिक रूपमा कमजोर बने, तर केही कम्पनीले भने आम्दानी निकै बढाएको हुरुन ग्लोबलले जनाएको छ

यस वर्ष टेस्ला कार कम्पनीका सिइओ एलन मस्क विश्वकै धनी व्यक्ति बनेका छन् । एलनलाई पछ्याउँदै अमेजोनका जेफ बेजोस दोस्रो स्थानमा छन् भने भारतको रिलायन्स कम्पनीका मालिक मुकेश अम्बानी भारतका सबैभन्दा धनी व्यक्तिमा परेको हुरुन ग्लोबलले मंगलबार जारी गरेको विश्वका धनीहरूको लिस्टमा उल्लेख छ । हुरुन ग्लोबलले हरेक वर्ष यस्तो लिस्ट सार्वजनिक गर्दै आएको छ । 

हुरुन ग्लोबलले तयार पारेको लिस्टअनुसार यस वर्ष विश्वमा तीन हजार दुई सय २८ जना अर्बपति बनेका छन् । यस वर्ष चार सय १२ जना नयाँ अर्बपति थपिएका हुन् । हुरुन ग्लोबलले विश्वका ६८ देशका धनी व्यक्तिको सम्पत्तिमाथि अध्ययन गरेको थियो । यसैगरी दुई हजार चार सय दुई कम्पनीको एक वर्षको आम्दानी रेकर्ड पनि अध्ययन गरेको हुरुन ग्लोबलले जनाएको छ । सन् २०२० मा विश्वमा दुई हजार आठ सय १४ जना अर्बपति थिए ।

अर्बपतिमा चीनको वर्चस्व
हुरुन ग्लोबलका अनुसार विश्वकै अर्बपति लिस्टमा चीनको अधिपत्य रहेको छ । यस वर्ष चीनमा एक हजार ५८ जना अर्बपतिको लिस्टमा परेका छन् । चीनबाट मात्रै दुई सय ५९ नयाँ अर्बपति बनेको ग्लोबलले जनाएको छ । चीनको दुई प्रमुख ठूला सहरमा अर्बपतिको होडबाजी चलेको छ । बेइजिङमा एक सय ४५ र सांघाईका एक सय १३ जना अर्बपतिको लिस्टमा सूचीकृत भएको हुरुन ग्लोबलले उल्लेख गरेको छ । 

चीनपछि धेरै अर्बपति भएको राष्ट्र अमेरिका हो । अमेरिकामा ६ सय ९६ व्यक्ति विश्वकै धनी लिस्टमा छन् । अमेरिकामा यस वर्ष ७० जना अर्बपति थपिएका छन् । अमेरिकाको न्युयोर्कबाट मात्रै एक सय १२ जना अर्बपति बनेका छन् । धेरै अर्बपति भएको राष्ट्रमा भारत तेस्रो स्थानमा छ । भारतमा एक सय ४१ अर्बपति छन् । 

भारतका एक नम्बर धनी अम्बानीले यस वर्ष २४ प्रतिशत सम्पत्ति बढाएका छन् । गत वर्ष उनको कुल सम्पत्ति ६७ अर्ब डलर थियो । यस वर्ष उनले ८३ अर्ब डलर पुर्‍याएको हुरुन ग्लोबलले उल्लेख गरेको छ । मुम्बईमा ६१, नयाँदिल्लीमा ४० तथा बैंग्लोरमा २२ जना अर्बपति भएका छन् । 

कोरोनाबीच अर्बपतिहरूको आम्दानी झनै बढ्यो
गत वर्ष कोरोना भाइरसका कारण नाम चलेका धेरै कम्पनी आर्थिक रूपमा कमजोर बने, तर केही कम्पनीले भने आम्दानीसमेत बढाएको हुरुन ग्लोबलले जनाएको छ । समग्रमा यस वर्ष अर्बपतिहरूले ३२ प्रतिशत सम्पत्ति जोडेका छन् । एसियाबाट समेत एक हजार ६ सय ५३ जना विश्वकै धनी लिस्टमा परेका छन् । 

२३१ जना महिला अर्बपति
हुरुन ग्लोबलले यो वर्ष दुई सय ३१ जना महिला अर्बपति बनेको जनाएको छ । अचम्म के छ भने ६६ प्रतिशत अर्बपति महिला चीनबाट छन् । हैनसोहका फाउन्डर झोङ हुजुआङ २३ अर्ब डलरका साथ चीनकै महिलातर्फ शीर्ष स्थानमा छिन् । वालमोर्टकी एलिस वाल्टन महिलातर्फ विश्वकै धनी हुन् । उनको कुल सम्पत्ति ७४ अर्ब डलर रहेको छ । 

यी हुन् विश्वका पाँच धनी व्यक्ति

१. एलन मस्क
कार उत्पादक कम्पनी टेस्लाका मालिक एलन मस्कले सुरुवाती करिअरमा धेरै क्षेत्रमा हात राखेका थिए । व्यापार, म्याग्नेट, औद्योगिक डिजाइनर, इन्जिनियर अमेरिकी एयरस्पेस निर्माता तथा अन्तरिक्ष सेवा कम्पनीका संस्थापक, सिइओ एलनले यो वर्ष एक सय ९७ अर्ब डलर धन आर्जन गरेका छन् । गत वर्ष उनको कुल सम्पत्ति एक सय ५१ अर्ब डलर थियो । यस वर्ष उनको आम्दानी २१ प्रतिशले बढेको छ । 

२. जेफ बेजोस
जेफ बेजोस एलनपछि विश्वकै दोस्रो धनी व्यक्तिमा पर्छन् । अमेजोन कम्पनीका संस्थापक बेजोसले यस वर्ष एक सय ८९ अर्ब डलर आर्जन गरेका छन् । बेजोसले अमेरिकाको इन्टरनेट सेवा, औद्योगिक, मिडिया तथा विभिन्न क्षेत्रमा लगानी गरेका छन् । बेजोसले अमेरिकामा दुई सय अर्ब डलर भएको व्यक्तिका रूपमा आफूलाई स्थापित गर्न कोसिस गरिरहेका छन् । सन् २०१८ मा उनी विश्वकै धनी व्यक्ति थिए । सन् १९९४ मा बेजोसले आफ्नो कम्पनी स्थापना गरेका थिए ।

३. बनान्र्ड अर्नाउल्ट
लक्जरियर्स वस्तु उत्पादन गर्ने कम्पनीका मालिक बनान्र्ड अर्नाउल्ट विश्वकै तेस्रो धनी व्यक्ति बनेका छन् । लुइस भुइटन मोइट हेनेन्सी (एलभिएमएच) समूहका मालिक बनान्र्डले यस वर्ष एक सय १४ अर्ब डलर कमाएका छन् । विभिन्न क्षेत्रको अनुभव लिएपछि उनले आफ्नो करिअर लक्जरियस सामग्री उत्पादनतर्फ बढाएका थिए ।

४. बिल गेट्स
माइक्रोसफ्ट कम्पनीका मालिक बिल गेट्सले लामो समयसम्म विश्वका धनी व्यक्तिको ताज पहिराएका थिए । व्यापारमा आएको ह्रासका कारण उनी अहिले चौथो धनी व्यक्तिमा परेका छन् । यस वर्ष बिल गेट्सले एक सय १० अर्ब डलर कमाएका छन् । एकल परिश्रममै विश्वकै अर्बपति बन्ने व्यक्तिमा बिल गेट्स पनि पर्छन् । करिअरमा बिल गेट्स माइक्रोसफ्टका चेयरम्यान, प्रमुख कार्यकारी अधिकृत (सिइयो) साथै सफ्टवेर निर्माणका प्रमुखसमेत बने । सन् ७० र ८० को दशकमा कम्प्युटरमा आमूल परिवर्तन ल्याउनमा उनको योगदान अधिक मानिन्छ । वर्षभरि कमाएको सम्पत्तिमध्ये ३५.८ अर्ब डलर माइक्रोसफ्ट स्टक्स कोषमा उनले जम्मा गर्छन् । 

५. मार्क जुकरबर्ग
मार्क जुकरबर्ग सामाजिक सञ्जाल फेसबुकका संस्थापक हुन् । केवल २३ वर्षको उमेरमै उनी अर्बपतिको लिस्टमा पर्न सफल भएका थिए । यस वर्ष मार्कले एक सय एक अर्ब डलर कमाएका छन् । निकै छोटो समयमै उनले स्थापना गरेको सामाजिक सञ्जाल फेसबुक विश्वमै प्रसिद्ध भयो ।  

एजेन्सीको सहयोगमा