सभामुख अग्निप्रसाद सापकोटा सिन्धुपाल्चोकको बाह्रबिसे नगरपालिका– ७ का पहिरो प्रभावितलाई भेट्न आइतबार बिहानै प्रभावित क्षेत्र पुगेका छन् । स्थलमार्ग हुँदै उनी सिन्धुपाल्चोकको बाह्रबिसे पुगेका हुन्।
पहिरोले घुम्थाङको नागपुजे र भिरखर्कमा क्षति पुगेको जानकारी पाएपछि सभामुख बिहानै त्यसतर्फ लागेका थिए।
सभामुखका प्रेस सल्लाहकार श्रीधर न्यौपाने भन्छन्, ‘पहिरोले क्षति भएको जानकारी आयो। त्यसपछि सभामुखज्यू तत्कालै प्रभावित क्षेत्र हिँड्नुभएको हो।’
तस्बिर : सभामुख सापकाेटाका प्रेस सल्लाहकार श्रीधर न्यौपानेकाे फेसबुकबाट