- वि.सं २o८३ असोज १५ बिहीबार
नेपाली कांग्रेसका पूर्वसभापति शेरबहादुर देउवा पक्षले देशभर तीन हजार १९१ वडामा अधिवेशन सम्पन्न गरेको छ। इतर पक्षको निर्वाचन समिति संयोजक एगराज पोखरेलले विज्ञप्तिमार्फत सो जानकारी दिएका हुन्।
पोखरेलका अनुसार कोशीमा ५७७, मधेशमा ४०२, बागमतीमा ५६३, गण्डकीमा ३८६, लुम्बिनीमा ५५०, कर्णालीमा २५७ र सुदूरपश्चिममा ४५६ वडामा अधिवेशन सम्पन्न भएको छ।
बाँकी रहेका वडाहरूमा यही १८ गतेसम्म सम्पन्न गर्ने कार्यतालिका रहेको सूचनामा उल्लेख छ। बाढी प्रभावित रसुवामा वडा अधिवेशन नभएको र बागलुङमा नेता मणिभद्र शर्मा कँडेलकी श्रीमतीको निधनका कारण भोलिलाई सरेको बताइएको छ।
देउवा पक्षले आगामी २१ देखि २३ मंसिरसम्म महाधिवेशन गर्दै छ।
