- वि.सं २o८२ भदौ १५ आइतबार
नेपाल आयल निगम लिमिटेडले आइतबार रातिबाट लागू हुने गरी डिजेल र मट्टीतेल प्रतिलिटर ४ रुपैयाँ तथा आन्तरिक हवाई इन्धन प्रतिलिटर १ र अन्तर्राष्ट्रिय हवाई इन्धन ७ डलर प्रतिकिलोलिटर घटाएको छ।
मूल्य घटेपछि काठमाडौं उपत्यकामा डिजेल तथा मट्टीतेल १४५ रुपैयाँ र आन्तरिक हवाई इन्धन १२७ रुपैयाँ प्रतिलिटर कायम भएको छ। अन्तर्राष्ट्रिय हवाई इन्धन ९७३ डलर प्रतिकिलोलिटर कायम भएको निगमले जनाएको छ।
इन्डियन आयल कर्पोरेसनबाट मूल्य घटेर आएका कारण नेपाली बजारमा पनि समायोजन गरेको निगम प्रवक्ता मनोज ठाकुरले जानकारी दिए।
