मुख्य समाचारफ्रन्ट पेजसमाचारनयाँ यात्रा २०२५दृष्टिकोणअर्थअन्तर्वार्ताखेलकुदविश्वफिचरप्रदेश
  • वि.सं २o८२ भदौ १४ शनिबार
  • Saturday, 30 August, 2025
२o८२ भदौ १४ शनिबार ११:४५:oo
Read Time : < 1 मिनेट
समाचार डिजिटल संस्करण

लुम्बिनी सांस्कृतिक नगरपालिकाका प्रमुखको निधन

Read Time : < 1 मिनेट
नयाँ पत्रिका
२o८२ भदौ १४ शनिबार ११:४५:oo

रुपन्देहीको लुम्बिनी साँस्कृतिक नगरपालिकाका मेयर सजरुद्दीन मुसलमानको निधन भएको छ । नगरप्रमुख खानको शनिबार  बिहान ९ बजे उपचारका लागी अस्पताल लैजादै गर्दा निधन भएको हो।लामो समयदेखि मुटुरोग तथा मधुमेहबाट ग्रसित मुसलमानको उपचारका क्रममा निधन भएको वडा नम्बर ९ का वडाअध्यक्ष कमाल अख्तर फकिरले जानकारी दिए। 

नेपाली कांग्रेसको तर्फबाट नगरप्रमुखमा निर्वाचित मुसलमान आज बिहान अस्वस्थ भएपछि चेकजाँचका लागि लुम्बिनीस्थित लाईफ केयर अस्पताल पुर्‍याइएकोमा थप उपचारका लागि भैरहवातर्फ लग्ने क्रममा निधन भएको वडाअध्यक्ष फकिरले बताए । 

मेयर  मुसलमान पहिलेदेखि मुटुको बिरामी थिए । मेयरको पार्थीव शरीरलाई अहिले आफ्नै निवास पडरियामा राखिएको छ । उनको अन्त्यष्टी धार्मिक परम्परा अनुसार साँझ ५ बजे गरिने परिवारले जनाएको छ ।