- वि.सं Invalid date format
युरोपकै प्रतिष्ठित फुटबल प्रतियोगिता च्याम्पियन्स लिगको बिहीबार राति ‘ड्र’ निकालिएको छ । ‘ड्र’को समूह चरणको प्रतिस्पर्धामा सर्वाधिकदेखि पूर्वविजेताहरू एकै समूहमा परेका छन् । च्याम्पियन्स लिगको ‘ड्र’अनुसार सर्वाधिक १५ पटकको विजेता स्पेनिस क्लब रियल म्याड्रिडले पूर्वविजेता लिभरपुल र म्यानचेस्टर सिटीसँग समूह चरणमा प्रतिस्पर्धा गर्नेछ । लिग चरणका खेल १६ देखि आगामी २८ जनवरीसम्म चल्नेछ । प्रतियोगिताको फाइनल बुडापेस्टमा हुनेछ ।
च्याम्पियन्स लिगलाई समूह चरणदेखि नै प्रतिस्पर्धात्मक बनाउने उद्देश्यसाथ गत वर्षदेखि नयाँ फम्र्याटमा लिग हुन थालेको थियो । नयाँ ढाँचामा हुने च्याम्पियन्स लिगमा ३६ टोली सहभागी हुनेछन् । २०२५/२६ को सिजनमा पहिलोपटक ६ वटा प्रिमियर लिग क्लबले खेल्नेछन् । तर, लिग चरणमा यी इंग्लिस क्लबले आपसमा खेल्नेछैनन् ।
पहिलो चरणमै लिभरपुलले एट्लेटिको म्याड्रिड र इन्टर मिलानविरुद्ध पनि खेल्नेछ । त्यसपछि म्यानचेस्टर सिटीले सिरिए क्लब नेपाली र जर्मनीको बोरुसिया डर्टमुन्डसँग प्रतिस्पर्धा गर्नेछ । यसपटकको रोमाञ्चक पक्ष भनेको म्यानचेस्टर सिटी र नेपालीबिचको प्रतिस्पर्धा हो, जहाँ नेपोलीका स्ट्राइकर केभिन डे ब्रुनेले पूर्वक्लब म्यानचेस्टर सिटीविरुद्ध खेल्नेछन् । उनले आफ्नो पूर्वक्लबविरुद्ध कस्तो प्रदर्शन गर्नेछन् । त्यसैमा सबैको चासो छ ।
यसैगरी, पूर्वविजेता चेल्सीले युरोपकै बलियो क्लब बार्सिलोना र बायर्न म्युनिखसँग खेल्नेछ । यसैगरी, आर्सनलले पनि बायर्न म्युखिन र इन्टर मिलानविरुद्ध खेल्नेछ । इंग्लिस क्लब न्युक्यासलले सेन्ट पार्कमा बार्सिलोनाको सामना गर्नेछ । युरोपा लिगको विजेताका रूपमा च्याम्पियन्स लिगमा स्थान पक्का गरेको टोटनह्यामले डर्टमुन्ड र मोनाकोसँग खेल्नेछ ।
लिग चरणपछि नकआउट खेल
चार महिनासम्म च्याम्पियन्स लिगको समूह चरण खेल हुनेछ । सन् २०२६ को २८ जनवरीमा लिग चरण खेल सकिनेछ । त्यसपछि नकआउट चरण सुरु हुनेछ । सहभागी ३६ टोलीले ‘ड्र’अनुसार आ–आफ्नो तालिकासमान आठ खेल खेल्नेछन् । त्यसपछि अंकतालिकामा शीर्ष आठ स्थानमा पर्ने टोली सीधै प्रिक्वार्टरफाइनलमा पुग्नेछन् । च्याम्पियन्स लिगको खेलतालिकाअनुसार नवौँदेखि २४औँ स्थानसम्म रहने १६ टोलीबिच पुन: खेल हुनेछ । यो खेल प्लेअफ खेलका रूपमा हुनेछ, जसबाट आठ टोलीले अन्तिम १६ मा स्थान बनाउनेछन् । यसैगरी, २५औँदेखि ३६औँ स्थानका टोली बाहिरिनेछन् ।
खेलतालिकाअनुसार प्रतिद्वन्द्वी
- साबिक विजेता पेरिस सेन्ट जर्मेन (पिएसजी)ले बायर्न म्युनिख, बार्सिलोना, एट्लान्टा, लेभरकुसेन, टोटनहाम, स्पोर्टिङ सिपी, न्युकासल र एथ्लेटिको बिल्बाओसँग प्रतिस्पर्धा गर्नेछ ।
- स्पेनिस क्लब च्याम्पियन बार्सिलोनाले पिएसजी, चेल्सी, फ्रान्कफर्ट, क्लब ब्रुग, ओलम्पियाकस, स्लाभिया प्राहा, कोपनहेगन र न्युकासलविरुद्ध खेल्नेछ ।
- इंग्लिस लिग विजेता लिभरपुलले रियल म्याड्रिड, इन्टर मिलान, एट्लेटिको म्याड्रिड, फ्रान्कफर्ट, पिएसभी, मार्सेल, काराबाग र गालातासारेसँग प्रतिस्पर्धा गर्नेछ ।
- सर्वाधिक विजेता रियल म्याड्रिडले म्यानचेस्टर सिटी, लिभरपुल, युभेन्ट्स, बेनफिका, मार्सेल, ओलम्पियाकस, मोनाको र कैराट अलमातीविरुद्ध खेल्नेछ ।
- म्यान्चेस्टर सिटीले बोरुसिया डर्टमुन्ड, रियल म्याड्रिड, बायर लेभरकुसन, भिल्ला रियल, नेपोली, बोडोग्लम्ट, गालातासारे र मोनाकोसँग भिड्नेछ ।
- पूर्वविजेता बायर्न म्युनिखले चेल्सी, पिएसजी, क्लब ब्रुग, आर्सनल, स्पोर्टिङ सिपी, पिएसभी, युनियन एसजी र पाफोससँग प्रतिस्पर्धा गर्नेछ ।
- सिरी ‘ए’ क्लब इन्टर मिलानले लिभरपुल, बोरुसिया डर्टमुन्ड, आर्सनल, एट्लेटिको म्याड्रिड, स्लाभिया प्राहा, अयाक्स, कैराट अल्माती र युनियन एसजीसँग प्रतिस्पर्धा गर्नेछ ।
- चेल्सीले बार्सिलोना, बायर्न म्युनिख, बेनफिका, एट्लान्टा, अयाक्स, नापोली, पाफोस र काराबागसँग भिड्ने खेलतालिका छ ।
- बोरुसिया डर्टमुन्डले इन्टर मिलान, म्यानचेस्टर सिटी, भिल्ला रियल, युभेन्ट्स, बोडोग्लिम्ट, टोटनह्याम, एथ्लेटिक क्लब र कोपनहेगनको सामना गर्नेछ ।
- आर्सनलले बायर्न म्युनिख, इन्टर मिलान, एट्लेटिको म्याड्रिड, स्लाभिया प्राहा, कैराट अल्माती र एथ्लेटिक क्लबसँग प्रतिस्पर्धा गर्नेछ ।
- एट्लेटिको म्याड्रिडले इन्टर मिलान, लिभरपुल, फ्रान्कफर्ट, आर्सनल, बोडो ग्लिम्ट, पिएसजी, युनियन एसजी र गालातासारेको सामना गर्नेछ ।
- पूर्वविजेता युभेन्ट्सले बोरुसिया डर्टमुन्ड, रियल म्याड्रिड, बेनफिका, भिल्ला रियल, स्पोर्टिङ सिपी, बोडोग्लिम्ट, पाफोस र मोनाकोसँग प्रतिस्पर्धा गर्ने आयोजकले जनाएको छ ।
- युरोपा लिग विजेता टोटनह्यामले बोरुसिया डर्टमुन्ड, पिएसजी, भिल्लारियल, फ्रान्कफर्ट, स्लाभिया प्राहा, बोडो ग्लिम्ट कोपनहेगन र मोनाकोविरुद्ध भिड्नेछ ।
- गत सिजनको सिरिए लिग विजेता नेपोलीले चेल्सी, म्यानचेस्टर सिटी, फ्रान्कफर्ट, बेनफिका, स्पोर्टिङ सिपी, काराबाग र कोपनहेगनसँग प्रतिस्पर्धा गर्नेछ ।
- पोर्चुगलको स्पोर्टिङ सिपीले पिएसजी, बायर्न म्युनिख, क्लब ब्रुग, मार्सेल, नापोली, कइरात अल्माती र एथ्लेटिक क्लबविरुद्ध खेल्नेछ ।
- इंग्लिस क्लब न्युकासलले बार्सिलोना, पिएसजी, बेनफिका, बायर लेभरकुसन, पिएसभी, मार्सेल, एथ्लेटिक क्लब र युनियन एसजीसँग प्रतिस्पर्धा गर्नेछ ।
