- वि.सं २o८२ भदौ २ सोमबार
एक साताअघि कैदीबन्दीका दुई समूहबिच भएको झडपमा घाइते भएकाहरूलाई कैलाली कारागार धनगढीमा स्थानान्तरणको तयारी थालिएको छ ।
घाइते ४८ मध्ये पाँचजनालाई कारागारमा लगिसकिएको छ । काठमाडौंमा उपचाररत पाँच र सेती प्रादेशिक अस्पतालमा उपचार भएकालाई स्थानान्तरणका लागि कैदीबन्दीका आफन्त र कारागार व्यवस्था विभागसँग छलफल भइरहेको जिल्ला प्रशासन कार्यालयका प्रशासकीय अधिकृत शिवराज जोशीले बताए ।
सुरक्षा चुनौतीका कारण भन्दै घाइतेलाई हाल सेती प्रादेशिक अस्पतालमै राखिएको छ । सुरक्षाका लागि नेपाल प्रहरी र सशस्त्र प्रहरी खटाइएको छ । कारागार व्यवस्था विभागले कैलाली जिल्ला कारागारका जेलरमा नेपालगन्ज कारागार प्रमुख प्रकाश ढुंगानालाई पठाएको छ । उनले आइतबारबाट कारागार प्रमुखको कार्यभार सम्हालेका छन् ।
