Skip This
जग्गाको पुर्जा बनाउन १३ हजार रुपैयाँ घुस खाने कर्मचारीलाई सोमबार अख्तियार दुरुपयोग अनुसन्धान आयोगले रंगेहात पक्राउ गरेको छ।
काठमाडौंको चन्द्रागिरि नगरपालिका वडा नं १३ मा रहेको जग्गा हालसाबिक गरी नयाँ पुर्जा बनाउने प्रयोजनका लागि सेवाग्राहीबाट घुस लिएको अवस्थामा अख्तियारले नापी कार्यालय कलंकीका कार्यालय सहयोगी एकेन्द्र कुँवरलाई रंगेहात पक्राउ गरेको हो।
अख्तियार टोलीले नापी कार्यालयका प्रमुखको दुईवटा र सर्वेक्षकको एउटा मोबाइल पनि जफत गरेको छ। कार्यालय सहयोगी कुँवरको एउटा मोबाइल पनि अख्तियारले नियन्त्रणमा लिएको छ।
रंगेहात पक्राउपछि अख्तियारले थप छानबिन तथा अनुसन्धान पनि अघि बढाएको छ।
