- वि.सं २o८२ श्रावण १५ बिहीबार
प्रधानमन्त्री केपी ओलीले ‘फिफा फर स्कुल अभियान’को शुभारम्भ गरेका छन्। अखिल नेपाल फुटबल संघ (एन्फा)द्वारा दशरथ रंगशालामा आयोजित कार्यक्रममा प्रधानमन्त्री ओलीले फिफाको सहयोगमा करिब एक हजार विद्यालयलाई निःशुल्क फुटबल वितरणको शुभारम्भ गरे।
ओलीले खेल क्षेत्रको विकासमा सरकारले प्राथमिकता दिएको जनाउँदै भक्तपुरको सूर्यविनायकमा नयाँ र ठुलो रंगशाला निर्माणको घोषणा गरे। एन्फाले फिफाको सहयोगमा यो कार्यक्रम गरेको हो।
