- वि.सं २o८२ असार ३२ बुधबार
अखिल नेपाल फुटबल संघ (एन्फा)ले महिला राष्ट्रिय फुटबल टोलीका मुख्य प्रशिक्षक प्याट्रिक डे वाइल्डलाई पत्राचार गर्दै एएफसी एसियन कप छनोटका दौरान भएको विवादको विषयमा घटना विवरण मागेको छ । उज्वेकिस्तानमा भएको छनोटका क्रममा कप्तान छनोटको विषयमा प्रशिक्षक र एन्फा अफिसियलबिच विवाद भएको थियो ।
सोही विवादको वास्तविकता जानकारी पठाउन एन्फाले पत्राचार गरेको एन्फाका प्रवक्ता सुरेश शाहले जानकारी दिएका छन् । ‘एसियन कप छनोटका दौरान भएको घटना विवरण के हो ? वास्ताविकता के हो ?’ शाहले भने, ’टिम व्यवस्थापन र प्रशिक्षकको भनाइ फरक–फरक आएपछि हामीले प्रशिक्षकबाटै वास्ताविकता बुझ्न खोजेका हौँ ।’
उज्वेकिस्तानबाट घर बेल्जियम फर्केका वाइल्डले अहिलेसम्म एन्फासँग सम्पर्क गरेका छैनन् । नेपाल फर्किएपछि टिम व्यवस्थापनले प्रशिक्षकका कारण कप्तानको विषयमा विवाद भएको दाबी गरेको थियो । प्रशिक्षकले घटनाको विषयमा जानकारी दिएपछि उनको सम्झौताको विषयमा एन्फाले निर्णय गर्नेछ । वाइल्ड नेपाली एक वर्षका लागि महिला टोलीको प्रशिक्षक नियुक्त भएका थिए ।
