- वि.सं २o८२ असार ३१ मंगलबार
रुकुम जिल्लाको आठबिसकोट नगरपालिका– ४, गोताकोटबाट नवजात शिशुसहित आमाको हेलिकाेप्टरमार्फत उद्धार गरिएको छ । आज बिहान गोतामकोटकी २२ वर्षीया अर्चना विक र उनको नवजात शिशुलाई नेपाली सेनाको हेलिकाेप्टरबाट उद्धार गरी प्रादेशिक अस्पताल सुर्खेत पठाइएको हो ।
सोमबार बिहान जन्मेको शिशुको श्वास–प्रश्वासमा समस्या भएपछि थप उपचारका लागि हेलिकाेप्टरमार्फत सुर्खेत पठाइएको आठबिसकोट नगरप्रमुख रवि केसीले जानकारी दिए।
नगर अस्पतालमा उपचार सम्भव नभएपछि विक र उनको नवजात शिशुलाई थप उपचारका लागि सुर्खेत पठाइएको हो । नगरपालिकाको सिफारिसमा जिल्ला प्रशासन कार्यालयमार्फत राष्ट्रपति महिला उत्थान कार्यक्रमअन्तर्गत आमाबच्चाको उद्धार गरिएको नगरपालिकाले जनाएको छ ।
