- वि.सं २o८२ असार २० शुक्रबार
बर्दिया राष्ट्रिय निकुञ्ज मध्यवर्ती क्षेत्र व्यवस्थापन समितिको अध्यक्षमा हेमन्तप्रसाद आचार्य निर्वाचन भएका छन् । शुक्रबार बर्दिया राष्ट्रिय निकुञ्जको कार्यालयमा अध्यक्ष पदका लागि निर्वाचन भएको निर्वाचनमा ११ मत प्राप्त आचार्य निर्वाचित भएको निर्वाचन संयोजक सरोजमणि पौडेलले बताए ।
प्रत्येक पाँच वर्षका लागि हुने मध्यवर्ती क्षेत्र व्यवस्थापन समितिको अध्यक्षका लागि तीनजनाको उम्मेदवारी परेको थियो । अध्यक्ष पदका लागि हेमन्तप्रसाद आचार्य, चन्द्रकला बुढा र मीनबहादुर सावदले उम्मेदवारी दिएका थिए । निर्वाचनमा १९ जनाले मतदान गरेका थिए । निर्वाचित अध्यक्ष आचार्यले ११ मत प्राप्त गरेका थिए । उनको निकटतम प्रतिस्पर्धी चन्द्रकला बुढाले ६ मत प्राप्त गरेकी थिइन् भने अर्को प्रतिस्पर्धी मीनबहादुर सावद दुई मत प्राप्त गरेका थिए ।
मध्यवर्ती क्षेत्रमा बर्दियाका १४ उपभोक्ता समिति, सुर्खेत चार उपभोक्ता समिति र बाँकेमा एक उपभोक्ता समिति रहेका छन् । उनै उपभोक्ता समितिबाट आएका प्रतिनिधिहरूमध्येबाट एकजनालाई मध्यवर्ती क्षेत्र व्यवस्थापन समितिको अध्यक्षमा चुन्ने गरिन्छ ।
