- वि.सं २o८२ असार ४ बुधबार
गाजापट्टीका धेरै क्षेत्रमा सहायता खोज्नेहरू, घरहरू र विस्थापित व्यक्तिहरूको शिविरहरूलाई लक्षित गरी भएको इजरायली हवाई आक्रमणमा ३० प्यालेस्टिनीको मृत्यु हुनुका साथै र दर्जनौँ घाइते भएका छन् ।
मध्यगाजापट्टीको सालाह अल–दिन स्ट्रिटमा बुधबार बिहानै सहायताका लागि पर्खिरहेका मानिसमाथि इजरायली आक्रमणमा ११ जना प्यालेस्टिनी मारिएको र करिब सयजना घाइते भएको चिकित्सा स्रोतहरूले बताएका छन्। मध्यगाजापट्टीको माघाजी शरणार्थी शिविरमा रहेको एउटा घरलाई निशाना बनाएर गरिएको आक्रमणमा ६ जना मारिएका छन् भने अन्य घाइते भएका छन्।
दक्षिणी गाजापट्टीमा, खान युनिसको अल–मवासी क्षेत्रको अल–अत्तारमा विस्थापित व्यक्तिहरूको शिविरमा इजरायली विमानले आक्रमण गर्दा तीन भाइसहित पाँच प्यालेस्टिनी मारिएको र अन्य धेरै घाइते भएका छन्। गाजा सहरमा, सहरको दक्षिणपूर्वमा अल–जेइटाउन छिमेकमा रहेको अली बिन अबी तालिब मस्जिदनजिकैको घरमा इजरायली आक्रमणमा आठजना नागरिकको मृत्यु र अन्य धेरै घाइते भएका छन्।
सन् २०२३ अक्टोबर ७ देखि गाजापट्टीमा इजरायली आक्रमणबाट मर्नेहरूको संख्या ५५ हजार ४९३ पुगेको छ भने एक लाख २९ हजार तीन सय ३२० जना घाइते भएका छन् ।जनवरी १९ देखि लागू भएको युद्धविराम सम्झौताअन्तर्गत दुई महिना रोकिएपछि इजरायली कब्जाले मार्च १८ मा गाजापट्टीमा आफ्नो आक्रमण पुनः सुरु गरेको थियो ।
यद्यपि, अभूतपूर्व मानवीय त्रासदीको सामना गरिरहेको पट्टीका विभिन्न क्षेत्रलाई लक्षित गर्दै इजरायलले बारम्बार आफ्ना सर्तहरू उल्लंघन गरेको छ ।
