- वि.सं Invalid date format
मकवानपुर प्रहरीले सोमबार लागुऔषध गाँजासहित एकजना महिला पक्राउ गरेको छ । पक्राउ पर्नेमा चितवनको राप्ती नगरपालिका– ८ खुरखुरेकी ३० वर्षीया लालमाया तामाङ रहेकी छिन् ।
तामाङलाई ३० किलो गाँजासहित प्रहरीले नियन्त्रणमा लिएको हो । मकवानपुर प्रहरी प्रवक्ता डिएसपी श्यामु अर्यालका अनुसार सोमबार बिहान लामालाई हेटौँडा– १० बसपार्कबाट पक्राउ गरिएको हो ।
लागुऔषध गाँजा ओसारपसार भइरहेको भन्ने विशेष सूचनाको आधारमा प्रहरी निरीक्षक विश्वम्भरनाथ साहको कमान्डमा खटिएको प्रहरी टोलीले हेटौँडा बसपार्कबाट वीरगन्जतर्फ जान रोकिराखेको बा.प्र. ०३–०१ ज ९७४ नम्बरको इभी गाडीमा सवार भई आएकी तामाङको साथबाट उक्त परिमाणको गाँजासहित बरामद गरेको हो ।
तामाङले गाडीको छतमाथि जेब्रा झोलाभित्र लुकाइछिपाइ ल्याएको तीनवटा पोकामा ३० किलो गाँजा फेला पारिएको प्रहरीले जनाएको छ ।
2022-09-29-12-22-58.jpeg)
