- वि.सं Invalid date format
हेटौँडा सिमेन्ट उद्योग ६ महिनापछि पुन: सञ्चालनमा आएको छ । उद्योगका यन्त्रको मर्मतसम्भार र कच्चा पदार्थको आपूर्ति भएपछि गत मंगलबारदेखि सिमेन्ट उत्पादनका लागि चुनढुंगा तयार पार्न सुरु भएको हाे ।
उद्योगका निमित्त महाप्रबन्धक नवीनकुमार कर्णका अनुसार एक–दुई दिनपछि सिमेन्ट उत्पादन थालिनेछ । अब दैनिक रूपमा ६ सय क्विन्टल सिमेन्ट उत्पादन गर्ने लक्ष्य छ । वि.सं. २०३३ मा जडान गरिएका यन्त्र थोत्रा भएकाले नयाँ खरिद गर्नुपर्नेमा उनले जोड दिए।
नेपाल विद्युत् प्राधिकरणलाई बिजुली महसुल र कर्मचारीलाई पारिश्रमिकको व्यवस्था गर्न कठिन भएको अवस्थामा नयाँ यन्त्र खरिद असम्भव भएको दुःखेसो गर्दै उनले उद्योगका समस्या समाधानमा सरकारले सघाउने विश्वास व्यक्त गरे । रासस
