- वि.सं Invalid date format
‘रिलायबल समृद्धि योजना’ म्युचुअल फन्ड आजदेखि सार्वजनिक निष्कासन तथा बिक्री खुला हुँदै छ । रिलायबल नेपाल लाइफ इन्स्योरेन्स कोष प्रवर्द्धक तथा रिलायबल इन्भेस्टेमन्ट एन्ड मर्चेन्ट क्यापिटल योजना व्यवस्थापक रहेको यो फन्ड १० वर्षे बन्दमुखी योजना हो । एक अर्ब रुपैयाँबराबरको योजना आकार रहेको योजनाअन्तर्गत १० रुपैयाँ अंकित दरमा १० करोड इकाइ बिक्रीमा आउने बताइएको छ ।
बिक्रीमा आउने १० करोड इकाइमध्ये एक करोड ४० लाख इकाइ कोष प्रवर्द्धक रिलायबल नेपाल लाइफ इन्स्योरेन्स र १० लाख इकाइ योजना व्यवस्थापक रिलायबल क्यापिटलका लागि सुरक्षित गरिएको छ । बाँकी आठ करोड ५० लाख इकाइ सर्वसाधारणले खरिद गर्न पाउनेछन् ।
खरिदकर्ताले न्यूनतम सय र अधिकतम एक करोड इकाइसम्म आवेदन दिन पाउनेछन् । आवेदन छिटोमा वैशाख ७ र ढिलोमा १७ गतेसम्म दिन सकिने क्यापिटलले जनाएको छ ।
