- वि.सं २o८१ माघ २२ मंगलबार
बेलायती राजकुमार एडवार्ड काठमाडौं आइपुगेका छन् । उनी ६ दिने भ्रमणका लागि नेपाल आइपुगेका हुन् । मंगलबार दिउँसो उनी त्रिभुवन अन्तर्राष्ट्रिय विमानस्थलमा आइपुगेका हुन् । उनी भारत भ्रमण सकेर काठमाडौं आएका हुन् ।
उनलाई परराष्ट्रसचिव अमृत राईले स्वागत गरेका छन् । त्यस्तै, मंगलबार बिहान उनकी श्रीमती एडिनबर्गकी डचेस सोफी पनि काठमाडौं आइसकेकी छन् । उनीहरूको निजी भ्रमणमा नेपाल प्रहरी र नेपाली सेनाले सुरक्षा दिनेछन् ।
उनीहरूलाई ‘ख श्रेणी’को सुरक्षा व्यवस्था मिलाइएको छ । उनीहरू भोलि काठमाडौंस्थित माइती नेपालमा जाने कार्यतालिका छ । त्यस्तै, उनीहरू पोखराको घान्द्रुक घुम्ने, अन्नपूर्ण हिमशृंखला हेर्ने र ब्रिटिस गोर्खाको क्याम्पमा जाने तालिका रहेको छ ।
