- वि.सं २o८१ मङ्सिर ११ मंगलबार
काठमाडौं महानगरपालिका– ३ बाँसबारीस्थित सडकमा भएको दुर्घटनामा एकजनाको मृत्यु भएको छ भने तीनजना घाइते भएका छन्।
बा.प्र–०२–०५० प ८३१२ नम्बरको मोटरसाइकल मंगलबार बिहान दुर्घटना हुँदा चालक बुढानीलकण्ठ नगरपालिका देउवाचोक बस्ने ३१ वर्षीय सुशान्त देउलाको मृत्यु भएको प्रहरीले जनाएको छ। दुर्घटनामा गम्भीर घाइते भएका उनको त्रिवि शिक्षण अस्पताल महाराजगन्जमा उपचारको क्रममा मृत्यु भएको हो।
उक्त मोटरसाइकलले पैदलयात्रीलाई ठक्कर दिई अनियन्त्रित भई बा.प्र०२–०४४–१८७८ नम्बरको मोटरसाइकललाई समेत ठक्कर दिई दुर्घटना भएको थियो। सो मोटरसाइकलमा सवार दुईजना पनि घाइते भएका छन्।
पैदलयात्रुसहित घाइते तीनजनाको त्रिवि शिक्षण अस्पतालमा उपचार भइरहेको प्रहरीले जनाएको छ।
