विद्यालय बस दुर्घटना : उपचाररत एक बालकको निधन

Read Time : < 1 मिनेट

नयाँ पत्रिका, चितवन

नयाँ पत्रिका

२o८१ मङ्सिर १० सोमबार १३:११:oo

कालिका नगरपालिकामा रहेको चित्रवन बोर्डिङ स्कुलको बस दुर्घटनामा उपचाररत एक बालकको आज बिहान निधन भएको छ ।

पुरानो मेडिकल कलेज भरतपुरमा उपचाररत कालिका नपा– ३ बस्ने आठ वर्षीय आरम्भ पोखरेलकाे निधन भएको चितवन प्रहरी प्रमुख गौतम मिश्रले बताए ।

शनिबार बेलुकी दुर्घटना हुँदा दुई दर्जनभन्दा बढी विद्यार्थी र शिक्षक घाइते भएका थिए । तीमध्ये अधिकांश डिस्चार्ज भइसकेको प्रहरीले जनाएको छ ।

उक्त बसमा सवार बालबालिका इच्छाकामना गाउँपालिकाको उपरदाङगढीमा हाइकिङमा गएर फर्कँदै गरेका थिए । ब्रेक फेल हुँदा दुर्घटना भएको प्रहरीले जनाएको छ ।
५ देखि १० कक्षामा अध्ययनरत बालबालिका हाइकिङ गएको कालिका नगरपालिकाका मेयर विनोद रेग्मीले बताए ।