- वि.सं Invalid date format
माध्यमिक शिक्षा परीक्षा (एसइई)मा मौका परीक्षा दिने अवसर आएका विद्यार्थीका लागि खोटाङमा निःशुल्क तयारी कक्षा सञ्चालन गरिएको छ।
माओवादी केन्द्रनिकट अखिल क्रान्तिकारी खोटाङ र एकीकृत अखिल नेपाल शिक्षक संगठन खोटाङले अनिवार्य गणित, विज्ञान र अंग्रेजी विषयको तयारी कक्षा सुरु गरेका हुन्।
अखिल क्रान्तिकारी खोटाङका संयोजक डार्विन चाम्लिङले दिक्तेलस्थित सरस्वती माध्यमिक विद्यालयमा बिहान, दिउँसो र बेलुका गरी तीन चरणमा निःशुल्क तयारी कक्षा सञ्चालन भएको जानकारी दिए।
१९ साउनसम्म सञ्चालन हुने तयारी कक्षामा एसइईको मौका परीक्षा दिने जिल्लाभरका एक सय ५० विद्यार्थी सहभागी छन्।
खोटाङमा एसइईमा सहभागीमध्ये ननग्रेडिङमा परेका एक हजार ३५४ विद्यार्थी मौका परीक्षामा सहभागी हुँदै छन्।
