कांग्रेससँग नयाँ सत्तागठबन्धनको निर्णयमा पुगेको एमालेले सरकारलाई दिएको समर्थन फिर्ता लिएको छ।
बुधबार बेलुका प्रधानमन्त्री पुष्पकमल दाहाल प्रचण्डलाई बालुवाटारमा भेटेर एमालेबाट सरकारमा सहभागी मन्त्रीहरूले राजीनामा सँगै सरकारलाई दिएको समर्थन फिर्तासम्बन्धी पत्र बुझाएका हुन्।
प्रचण्ड नेतृत्वको मन्त्रिपरिषदमा उपप्रधानमन्त्री एवं भौतिक पूर्वाधारमन्त्री रघुवीर महासेठको नेतृत्वमा एमालेका आठजना मन्त्री थिए।