- वि.सं २o८o माघ १७ बुधबार
नयाँ पत्रिकाकर्मीहरू रोहितराज पराजुली, तिवारी यादव र नवराज पनेरूले यस वर्षको खेलकुद पत्रकारिता प्रोत्साहन पुरस्कार प्राप्त गरेका छन् ।
युवा तथा खेलकुद मन्त्रालयले आज गरेको विशेष कार्यक्रममा खेलकुदमन्त्री डिगबहादुर लिम्बूले पुरस्कार प्रदान गरे ।
पत्रकारिताको माध्यमबाट नेपालको खेलकुद क्षेतमा पुर्याएको योगदानको कदर गर्दै नगद २५ हजार रुपैयाँसहित खेलकुद पत्रकारिता प्रोत्साहन पुरस्कार २०८० प्रदान गरिएको मन्त्रालयले जनाएको छ ।
पराजुली कास्की, यादव पर्सा र पनेरू डडेल्धुराबाट नयाँ पत्रिकामा क्रियाशील छन् । सोही कार्यक्रममा मन्त्रालयले मोरङका हरिप्रसाद कोइराला, धादिङका गोविन्दराज नेपाल, प्युठानका रिखिराम जिसी र दैलेखकी रजनीकुमार योगीलाई पनि खेलकुद पत्रकारिता प्रोत्साहन पुरस्कार प्रदान गरिएको थियो ।
यस्तै, ५० हजार रुपैयाँ नगदसहित धादिङका सञ्चारकर्मी गोविन्द रेग्मीलाई खेलकुद पत्रकारिता पुरस्कार तथा सम्मान प्रदान गरिएको मन्त्रालयले जनाएको छ ।
