- वि.सं २o८o असोज १७ बुधबार
रिलायन्स फाइनान्स लिमिटेडका ग्राहकले काठमाडौंको चाबहिलमा रहेको हेल्पिङ ह्यान्ड्स सामुदायिक अस्पतालमा छुट पाउने भएका छन् । फाइनान्स र अस्पतालबीच फाइनान्सका ग्राहक, कर्मचारी तथा सेयरधनीलाई छुट दिने सम्झौता भएको हो ।
सम्झौतामा फाइनान्सका प्रमुख कार्यकारी अधिकृत समाजप्रकाश श्रेष्ठ र अस्पतालका कार्यकारी अध्यक्ष डा. गुप्तबहादुर श्रेष्ठले हस्ताक्षर गरेको जनाइएको छ । सम्झौताअनुसार फाइनान्सका सरोकारवालालाई अस्पतालले प्रदान गर्ने स्वास्थ्य सेवामा ५० प्रतिशतसम्म छुट प्रदान गर्ने उल्लेख छ । काठमाडौंमा केन्द्रीय कार्यालय रहेको फाइनान्सले देशका मुख्य सहरमा २१ वटा शाखामार्फत सेवा दिँदै आएको जनाइएको छ ।
संस्थाले निक्षेप तथा कर्जाका सेवाग्राहीलाई इ–बैंकिङ, एससिटी नेटवर्क एटिएम, रेमिट्यान्स सेवा, सिआस्बा, आइपिएस, कनेक्ट आइपिएस सेवा, इलेक्ट्रोनिक चेक क्लियरिङलगायतका सेवा दिँदै आएको संस्थाले जनाएको छ ।
